طريقة عمل القاورمة بالصور

الكمية تكفي:شخصينوقت التحضير:10 دقائقوقت الطهي:30 دقيقةالمقادير:1/2 كيلو بصل صغير للقاورمة 1/4 كيلو لحم بتلو او لحم ها يستوى بسرعة متقطع صغير 3 طماطميات مضروبة فى الكبة بس بالراحة عليها شوية ملعقة كبيرة صلصة 2 او 3 ملاعق زيت فص ثوم رشة صغيرة قرفة ناعمة او عود قرفة ملح وفلفل ملعقة سكر الطبخ: 1- قشرت البصل وحطيته فى طبق فيه مياه واسيبه شوية صغيرة وبعدين حطيته فى المصفاة
2- شوحت اللحمة فى حلة فيها زيت لغاية ما بقى لونها بنى ونشلت وحطيتها فى طبق
- وفى نفس الحلة حطيت البصل وشوحته لغاية ما بقى لونه شفاف وبقى لين شوية (بالنظر كده)
4- وبعدين طلعت البصل من الحلة وحطيته فى طبق
5- شوحت فص ثوم شوية صغيرة وحطيت الطماطم المعصورة وملعقة الصلصة
والملح والفلفل والقرفة و ملعقة سكر وقلبتهم وسبتها شوية
6- واول ما بدات تغلى حطيت تانى اللحمة والبصل وسيبتهم على نار هادية حوالى ربع ساعة او اقل
لغاية ما اللحمة تكون استوت هى والبصل
7- وقدمتها مع ارز بالشعرية
طريقة عمل القاورمة بالصور

نوع الوصفة:اطباق رئيسيةمحتوى الوصفة:لحومدرجة الصعوبة:سهلة جداخصائص: سريعة التحضيرسعرات حرارية قليلةمحببة للاطفالتاريخ الاضافة:19-7-2011